Кандыдат у прэзідэнты Украіны ад Партыі рэгіёнаў Міхаіл Добкін заяўляе, што 9 красавіка яго асвісталі і збілі ў Луганску за тое, што адмовіўся са сцэны падтрымліваць адлучэнне рэгіёну ад Украіны.
Пра гэта Добкін сказаў сёння, 16 красавіка, падчас прэс-канферэнцыі ў Харкаве.
Па словах кандыдата, падчас візіту ў Луганск ён прыняў запрашэнне мітынгоўцаў і пайшоў у будынак СБУ, каб выступіць на мітынгу прыхільнікаў федэралізацыі.
«Вы ж на відэа бачыце толькі завяршальную стадыю, а пачатак жа ніхто не паказвае. Я прыйшоў туды з вялікай групай луганскіх таварышаў. З усіх пусцілі толькі мяне і мэра, і тое мэра толькі да пэўнай мяжы… За рэдкім выключэннем мяне сустракалі бурнымі воклічамі і крыкамі вітання. Калі я падышоў да мітынгу, і вядучы сказаў, што да нас прыйшоў Міхаіл Добкін, усе сталі вельмі гучна пляскаць у далоні, і скандаваць маё прозвішча, і прасіць выступіць», — распавёў Добкін.
Паводле яго слоў, нягледзячы на гэта, ён адмовіўся са сцэны выказаць падтрымку адлучэнню Луганскай вобласці ад Украіны з наступным далучэннем да Расіі.
«Яны спачатку задалі мне пытанне, ці гатовы я з трыбуны імправізаванай падтрымаць рэферэндум. Я спытаў, які. Яны кажуць, аб адлучэнні Луганскай вобласці ад Украіны і далучэнні да Расійскай Федэрацыі. Я кажу: «Не»», — распавёў Добкін.
Па словах кандыдата ў прэзідэнты, ён пераконваў мітынгоўцаў, што гэта не супадае з яго перакананнямі і поглядамі.
«Я пачаў выходзіць на вуліцу. Мітынгоўцы папрасілі выступіць са сцэны. Я растлумачыў: мне няма з чым выступаць. Тое, што мяне просяць сказаць, і тое, што вы хочаце пачуць, я казаць не буду. А тое, што я хачу сказаць, вам будзе нецікава. Таму, я думаю, што лепш будзе для ўсіх, калі я выступаць не буду. І пачаў сыходзіць, а далей пайшло тое, што вы бачылі на відэа», — сказаў Добкін.
«Я ніколі ў такіх сітуацыях не кажу тое, што прыемна чуць чалавечаму вуху, а кажу праўду», — дадаў ён.
Цяпер чытаюць
Пра што маўчыць Аляксей Францкевіч, якому Польшча закрыла ўезд на 10 гадоў67
Каментары