Форум «У будучыню — без камунізму» адбудзецца 3 лістапада. Месцам правядзеньня Форума будзе Управа БНФ (пр‑т Машэрава,8 /былая вул. Варвашэні, 8). Пачатак мерапрыемства аб 11.00.
Пасьля адмовы кіраўніцтва ПК «МАЗ» выдзяліць памяшканьне для правядзеньня Форума, арганізатары былі вымушаныя шукаць іншыя мажлівасьці. Як зазначыў старшныя аргкамітэту па правядзеньні Форума «У будучыню — без камунізму» Алесь Міхалевіч, прычына адмовы ў памяшканьні выдуманая, і Форум адбудзецца ў любым выпадку, няхай і ў меншым маштабе.
У Форуме «У будучыню — без камунізму» прымуць удзел навукоўцы, асобы, пацярпелыя ад рэпрэсіяў камуністычнага рэжыму, палітыкі, грамадзкія дзеячы, дзеячы культуры і мастацтва, прадстаўнікі духавенства, а таксама замежныя госьці.
У пачатку лістапада ў Менску адбудзецца міжнародныя сустрэча прадстаўнікоў камуністычных партыяў. Беларуская грамадзкасьць выступае з рашучым пратэстам супраць экспансіі камуністычнага імпэрыялізму. Таму па ініцыятыве грамадзка‑палітычных лідэраў Беларусі створаны аргкамітэт па правядзеньні антыкамуністычнага Форуму, у склад якога ўвайшлі Павал Севярынец, сустаршыня аргкамітэту па стварэньні партыі «Беларуская хрысьціянская дэмакратыя», Ігар Кузьняцоў, вядомы дасьледнік тэмы камуністычных рэпрэсіяў, кандыдат гістарычных навук, а таксама Алесь Міхалевіч, намесьнік старшыні Партыі БНФ.
Аргкамітэт па правядзеньні Форума «У будучыню — без камунізму»
Для дадатковай інфармацыі можна зьвяртацца па адрасе
[email protected] і па тэлефоне 6822055
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень10
Каментары