Камісія Дзярждумы па этыцы запатрабавала ад лідэра ЛДПР Уладзіміра Жырыноўскага прынесці публічныя прабачэнні парламенцкім журналістам, якіх ён абразіў. Такое рашэнне было прынята ў сераду, 23 красавіка, па выніках разгляду інцыдэнту, які адбыўся ў мінулую пятніцу з удзелам лідэра ліберал-дэмакратаў і думскіх карэспандэнтаў.
Падчас падыходу да прэсы 18 красавіку Жырыноўскі, вядомы эпатажнымі выхадкамі, у адказ на пытанне журналісткі агенцтва «Расія сёння» пачаў выкрыкваць абразы ў яе адрас, а затым абражаць і яе калегаў. Пасля інцыдэнту цяжарная карэспандэнтка «Расеі сёння» была шпіталізавана.
У нядзелю палітык папрасіў у журналісткі прабачэння ў прамым эфіры праграмы «Нядзельны вечар з Уладзімірам Салаўёвым» на тэлеканале «Расія-1». Жырыноўскі прызнаў, што «трошкі груба пагаварыў, адказаў дзяўчыне». «Я ёй прыношу прабачэнні і наогул усім, калі некага неяк мог пакрыўдзіць», — сказаў ён. Нягледзячы на прабачэнні, агенцтва «Расія сёння» мае намер дамагчыся разгляду справы ў судзе.
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары