На «Экспабеле» пачаўся сапраўдны ягадны бум! Сёння ў пакупнікоў найбольшым попытам карыстаюцца чарніцы, агрэст і парэчкі для кампотаў. Следам за імі ідуць бахчавыя — яны таксама не саступаюць па папулярнасці, паведамляе выданне «Прысталічча».
Агляд ягадных прылаўкаў
Вішні на рынку каштуюць 6,50—7 рублёў за кілаграм, парэчкі — ад 14 рублёў. Менавіта гэтыя ягады сёння найчасцей купляюць тыя, хто ставіць кампоты на зіму.
Агрэст прадаюць латкамі па 8 рублёў — у адным прыкладна 500—600 грамаў ягад.
Значна патаннелі чарэшні — ёсць як жоўтыя, так і цёмна-чырвоныя. У асноўным прадаюць па 8—13 рублёў за кілаграм, але прадаўцы па сакрэце прызналіся, што ўвечары можна знайсці і па 6 рублёў.
Гандляры ахвотна зніжаюць цэны, каб распрадаць тавар і назаўтра закупіць свежы. Зніжкі дзейнічаюць як для аптовых, так і для рознічных пакупнікоў.
Радуюць і клубніцы. Учорашнія можна купіць ад 8 рублёў за кілаграм — для варэння яны падыходзяць выдатна. Цэны на свежыя дасягаюць 22 рублёў.
Маліны каштуюць ад 25 рублёў за кілаграм, таксама прадаюцца латкамі па 11 рублёў.
Ажыны толькі з'явіліся ў продажы, таму пакуль дарагія — ад 30 рублёў за пластыкавы латок.
— Буякі на «Экспабеле» каштуюць каля 11 рублёў, — кажа прадавец Алек. — Сёння яны на піку смаку — салодкія, зусім не такія, як узімку. Ды і цана ўпала — самы час ласавацца.
Чарніцы прадаюцца ад 14 рублёў за кілаграм. Ягады сёлета дробныя.
Фруктовае шоу: як прадаўцы прыцягваюць пакупнікоў
На нашых вачах прадаўцы зладзілі сапраўднае фруктовае шоу. Мужчыны перакідвалі паласатых гігантаў адзін аднаму, нібы мячы, а пасля складвалі іх у роўныя піраміды.
Побач разразалі дыні і кавуны, частавалі і тых, хто збіраўся зрабіць пакупку, і выпадковых мінакоў.
— Кавуны сёння на рынку каштуюць ад 3,5 да 4 рублёў за кілаграм. Праз некалькі дзён будуць яшчэ таннейшыя, — запэўніў прадавец бахчавых Эльнур.
Адзін з гандляроў наляпляў на кавуны налепкі з надпісам VIP, каб прыцягнуць увагу пакупнікоў. Аднак людзей больш цікавілі тыя прылаўкі, дзе можна было спачатку пакаштаваць.
На дынях у гэтага ж прадаўца вісеў надпіс: «Рукамі не чапаць».
Невялікія дыні на рынку прадаюць паасобку — па 5 рублёў за штуку, а буйныя — на вагу, ад 4 рублёў за кілаграм.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары