Служба бяспекі Украіны затрымала дваіх чалавек, якія ўваходзілі ў дыверсійную групу расійскага выведніка Ігара Стралкова.
Пра гэта паведаміла начальнік прэс-цэнтра СБУ Марына Астапенка на брыфінгу ў чацвер, перадае карэспандэнт Укрінформ.
«У межах антытэрарыстычнай аперацыі затрыманыя двое асабліва небяспечных злачынцаў, якія ўваходзілі ў дыверсійную групу Стралкова», — сказала Астапенка.
Па дадзеных спецслужбы, адзін з затрыманых — грамадзянін Украіны — арганізоўваў захоп адміністрацыйных будынкаў у Арцёмаўску і Славянску, а таксама адказваў за пастаўкі агнястрэльнай зброі для экстрэмістаў.
«Дзеянні зламысніка каардынавалі крымскі цэнтр «Русское едінство» і члены разведвальна-дыверсійнай групы Стралкова», — удакладніла прэс-сакратар.
Паводле яе слоў, другі затрыманы з'яўляецца грамадзянінам РФ, заехаў у Украіну па дакументах прыкрыцця.
«Аналіз дадзеных сведчыць, што расеец можа быць тэхнічным спецыялістам, які адказвае за шыфраванне сувязі з Цэнтрам, карыстаецца пазыўным «Ластаўка» і валодае важнай інфармацыяй аб дзейнасці дыверсантаў ва Украіне», — заявіла прадстаўніца СБУ.
Яна дадала, што ў затрыманых канфіскаваная камп'ютарная тэхніка і сродкі сувязі.
Цяпер чытаюць
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна26
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу1818
Каментары