Фінал футбольнага турніру Ліга Еўропы, які прайшоў вечарам 14 мая ў Турыне, выйграла іспанская «Севілья», абыграўшы ў серыі пенальці партугальскую «Бенфіку» з лікам 4:2 (асноўны і дадатковы час — 0:0).
«Бенфіка» так і не здолела зняць «пракляцце Белы Гутмана». Партугальцы ў 1961—1962 гг. пад кіраўніцтвам венгерскага спецыяліста двойчы выйгралі Кубак еўрапейскіх чэмпіёнаў.
На прапанову застацца ў клубе — тады наймацнейшым клубе Еўропы, які спыніў гегемонію непераможнага «Рэала» — і выйграць яшчэ не адзін еўракубак, Гутман, незадаволены фінансавымі ўмовамі, адмовіўся, сказаўшы: «Больш кубкаў не будзе».
З тых часоў «Бенфіка» пяць разоў гуляла ў фіналах Кубка чэмпіёнаў і тройчы ў фінале Кубка УЕФА (цяпер — Ліга Еўропы), але кожны раз цярпела паразы.
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе47
Каментары