Мінабароны Украіны: за суткі на паўднёвым усходзе забіта больш за 250 тэрарыстаў, у тым ліку грамадзян Расіі
На сайце прэзідэнта Украіны Пятра Парашэнкі з'явілася інфармацыя пра тое, што за суткі ў зоне спецаперацыі на паўднёвым усходзе краіны былі
забітыя больш за 250 удзельнікаў незаконных узброеных фарміраванняў, значная частка якіх з'яўляецца расійскімі грамадзянамі.
Пра гэта заявіў в.а. кіраўніка Мінабароны Украіны Міхаіл Коваль на аператыўнай нарадзе Пятра Парашэнкі з кіраўнікамі сілавых ведамстваў краіны
Падчас сустрэчы Пётр Парашэнка выказаў спачуванні родным і блізкім 49 украінскіх вайскоўцаў і 5 памежнікаў, якія загінулі 14 чэрвеня ў ходзе правядзення антытэрарыстычнай аперацыі.
Ён адзначыў, што на сёння Узброеныя Сілы Украіны ва ўзаемадзеянні з памежнікамі выканалі заданне па перакрыцці 248 кіламетраў дзяржаўнай мяжы Украіны.
Парашэнка звярнуў увагу старшыні Службы бяспекі Украіны на невыкананне кіраўніцтвам Антытэрарыстычнага цэнтра СБУ комплексу мерапрыемстваў па забеспячэнні бяспекі самалётаў ваенна-транспартнай авіяцыі пры выкананні баявых задач па абясшкоджванню тэрарыстычных груповак, у прыватнасці, у аэрапорце Луганска, дзе адбыўся тэрарыстычны акт.
«Дэталёвы аналіз прычын, якія прывялі да катастрофы, а таксама кадравыя прапановы аб адказнасці кіраўніцтва Антытэрарыстычнага цэнтра я чакаю ад Вас, пане голово (СБУ)», — сказаў Пётр Парашэнка.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу23
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ4747
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ47
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары