У суботу ў многіх краінах свету пачынаецца глабальны флэшмоб супраць агрэсіі Крамля адносна Украіны.
Актывісты прынясуць у пасольствы і консульствы РФ, а таксама да пастаяннага прадстаўнiцтва Расіі ў ААН у Нью-Ёрку пахавальныя вянкі, каб ушанаваць ахвяраў пуцінскай агрэсіі супраць Украіны.
Акцыю падтрымаюць жыхары Таронта, Ванкувера, Гаагі, Вільні, Нью-Ёрка, Варшавы, Бруселя і многіх іншых гарадоў свету, у тым ліку Кіева і Львова.
У прыватнасці, у Кіеве акцыя пачалася ў 11:00.
«Расія дэ-факта пачала вайну з Украінай. Пуціна трэба спыніць неадкладна», — гаворыцца ў паведамленні арганізатараў акцыі.
«Колькі яшчэ трэба смерцяў для таго, каб прызнаць, што Расія пачала вайну ва Украіне, і што Пуціна трэба неадкладна спыніць?», — пытаюцца арганізатары флэшмобу.
Разам з тым арганізатары акцыі заклікаюць НАТА купіць два баявых караблі Mistral, якія Францыя збіраецца прадаць Расіі, а таксама «неадкладна прыняць санкцыі трэцяга ўзроўню».
Сярод іншых патрабаванняў — даць украінскай арміі выратавальныя сродкі, уключаючы медыцынскія сродкі і сродкі асабістай аховы.
Акрамя таго, ад Захаду чакаюць спынення любога супрацоўніцтва і бізнесу, якія дапамагаюць Расіі мадэрнізаваць войска, паліцыю, узбраенне і спрыяюць расійскай экспансіі.
Удзельнікі акцыі просяць адмяніць візавы рэжым з Украінай як мага хутчэй і расследаваць паводзіны «Газпрома», які «парушае антыманапольнае заканадаўства ЕС і правілы СГА».
Мітынгоўцы таксама будуць патрабаваць задзейнічаць строгі кантроль усіх сродкаў, якія паходзяць з Расіі і Беларусі і адмяніць візы вядучых антызаходніх і антыўкраінскіх прапагандыстаў расійскага рэжыму.
Цяпер чытаюць
Максім Знак: Мы з Ціханоўскай зайшлі падаваць скаргу ў кабінет Ярмошынай — але Ярмошынай там не было5
Каментары