У Чарнавіцкай вобласці Украіны часткова абвалілася вялікая сцяна Хоцінскай крэпасці, узведзенай на Днястры ў XIII стагоддзі. Праз аварыйную сітуацыю ніхто не пацярпеў, паведаміў мэр горада Хаціна Андрэй Дранчук, доступ турыстаў да аварыйнага ўчастка крэпасці абмежавалі, піша life.pravda.com.ua.
Па словах Андрэя Дранчука, супрацоўнікі запаведніка «Хацінская крэпасць» і Дзяржаўнай службы па надзвычайных сітуацыях аператыўна адрэагавалі і абмежавалі доступ турыстычных груп да аварыйнай сцяны. Пра інцыдэнт паведамілі ў абласную вайсковую адміністрацыю, Міністэрства культуры і Міністэрства развіцця грамад і тэрыторый Украіны.
«Абвал вельмі істотны […] Максімальна далучаемся да пошуку фінансавання рэстаўрацыйных работ. З усім справімся», — напісаў Андрэй Дранчук.
Хацінская крэпасць, пабудаваная на месцы гарадзішча X стагоддзя, была адным з самых магутных абарончых збудаванняў такога роду ва Усходняй Еўропе. Замак шмат разоў перабудоўваўся. На працягу сямі стагоддзяў крэпасць была вайсковым фарпостам многіх дзяржаў, бо размяшчалася ў стратэгічна важным месцы каля межаў.
У 1621 годзе войска Рэчы Паспалітай, у складзе якога ваявалі нашы продкі з ВКЛ, перамагло пад Хацінам 160‑тысячную армію турэцкага султана Асмана II. Дзякуючы разгрому турэцкай арміі ўдалося аслабіць Асманскую імперыю і спыніць яе захопніцкія планы супраць Рэчы Паспалітай. У 1673 годзе тут адбылася яшчэ адна пераможная бітва аб’яднанага кароннага і літоўскага войска супраць асманаў.
У XX стагоддзі Хацінская крэпасць стала адным з самых папулярных ва Украіне турыстычных аб’ектаў. Старадаўняе гістарычнае збудаванне ўваходзіць у спіс «Сямі цудаў Украіны». На яе тэрыторыі дзейнічае дзяржаўны гісторыка-архітэктурны запаведнік «Хацінская крэпасць».
У снежні 2023 года там завяршылі рэстаўрацыю муроў, асобныя ўчасткі якіх знаходзіліся ў аварыйным стане.
У Бабруйскай крэпасці адрэстаўруюць казарму, у двары якой пабудавалі канцлагер
У Брэсцкай крэпасці царкоўнікі хочуць затынкаваць сведчанні вайны. Жыхары горада супраць
У старым Брэсце закансервуюць руіны кляштара бернардзінак
Старажытныя дубы расказалі, што адбывалася аж за стагоддзе да з'яўлення крэпасці на Менцы
Цяпер чытаюць
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары