Расія прапануе некаторым палітыкам краін NATO больш танныя нафту і газ у абмен на выхад з Альянсу, сказала прэзідэнт Літвы Даля Грыбаўскайце ў інтэрв'ю нямецкаму штотыднёвіку Focus.
«Расія спрабуе аказваць уплыў на так званыя постсавецкія тэрыторыі і спрабуе зрабіць так, каб краіны Балтыі па-ранейшаму залежалі ад яе эканамічна, энергетычна і палітычна. Таксама хоча прымусіць іх быць менш актыўнымі і лаяльнымі краінамі NATO і ЕС. (…) Акрамя таго, мы атрымліваем інфармацыю, што ў іншых краінах Балтыі, не ў Літве, бо мы ў гэтым плане мацнейшыя,
вядуцца перамовы з некаторымі палітыкамі, паступаюць прапановы з Усходу, да прыкладу, што калі яны выйдуць з NATO, то атрымаюць больш танны газ або нафту», — сказала ў інтэрв'ю Focus Грыбаўскайце.
Цытаты з інтэрв'ю BNS ў нядзелю перадала прэс-служба прэзідэнта.
Па словах Грыбаўскайце, Захад павінен дамагацца дыверсіфікацыі і імкнуцца стаць эканамічна незалежным ад Расіі, бо «занадта рызыкоўна» далей залежаць ад яе.
Агенцтва Reuters, якое зрабіла агляд інтэрв'ю, сцвярджае, што прэзідэнт Літвы параўнала тактыку прэзідэнта Расіі Уладзіміра Пуціна з дзеяннямі савецкага дыктатара Іосіфа Сталіна і нацысцкага лідара Адольфа Гітлера.
Па словах Грыбаўскайце, Пуцін выкарыстоўвае нацыянальнасць як прыкрыццё для заваёвы тэрыторый ваенным спосабам. Тое ж самае рабілі Сталін і Гітлер, таму, па словах прэзідэнта Літвы, гэта дакладнае параўнанне.
З іншага боку, па словах кіраўніка Літвы, уварванне Расіі ў краіны Балтыі наўрад ці магчымае, бо яны з'яўляюцца членамі NATO.
І ўсё ж, па яе словах, краінам Балтыі трэба лепш падрыхтавацца, каб такая магчымасць нават не абмяркоўвалася.
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары