Ці змогуць «вечна другія» галандцы стаць першымі?

Сёння адбудзецца другі паўфінальны матч чэмпіянату свету па футболе. Германія будзе чакаць нядзельнага суперніка, ім стане пераможца пары Аргенціна — Галандыя.

Ці змогуць галандцы нарэшце выйграць Мундыяль? Ці ўсё ж Аргенціна павінна пазмагацца за гонар кантыненту. Яшчэ ніколі еўрапейскія каманды не перамагалі на тэрыторыі Паўднёвай Амерыкі.

Аргенціна – Галандыя

Каэфіцыенты букмекераў: Перамога Аргенціны — 2,4, нічыя — 3,0, перамога Галандыі — 3,2.

Пачатак гульні: 23:00

Суддзя: Джунэйт Чакір (Турцыя)

Гісторыя супрацьстаянняў: Каманды сышліся ў фінале чэмпіянату свету 1978 года ў Буэнас-Айрэсе. Асноўны час скончыўся нічыйным лікам. А ў дадатковы час Марыа Кемпес забіў ці не самы прыгожы гол у фінальных паядынках мундыяляў (глядзець абавязкова на адзнацы 0:45). Аргенціна перамагла 3:1.

Зорка Аргенціны – Гансала Ігуаін

26-гадовы італьянскага «Напалі» адзначаецца на чэмпіянаце не толькі самай прыгожай барадой, але сваёй гульнёй. Менавіта гол Ігуаіна прынёс Аргенціне пуцёўку ў паўфінал, пакінуўшы за бортам Бельгію.

Павялічыць

Ігуаін нарадзіўся ў Брэсце. Праўда, не ў беларускім, а ў французскім. Справа ў тым, што там у той час гуляў ягоны бацька Хорхе. У Гансала ёсць французскае грамадзянства, але выступаць ён вырашыў усё ж за Аргенціну, хоць прапановы з Францыі былі даволі настойлівымі.

Сталенне Ігуаіна праходзіла ў клубе «Рывет Плэйт» (тая самая аргенцінская каманда, фанаты якой падчас гульняй махаюць бел-чырвона-белымі сцягамі).

Павялічыць

За Гансала змагаліся найлепшыя клубы Старога свету. У выніку хлопец выбраў мадрыдскі «Рэал», у складзе якога забіў больш за 100 галоў. Цяпер ён гуляе за «Напалі», як некалі ягоны славуты зямляк Дыега Марадона.

Ігуаін жанаты з аргенцінскай мадэллю Лусіянай Салазар. Сам футбаліст, кажуць, вельмі ганарыцца, што ягоная жонка больш за каго з жонак калег падобная да порнаактрысы.

Павялічыць

Зорка Галандыі – Робін ван Персі

30-гадовы нападаючы «Манчэстэр Юнайтэда» забіў ужо тры галы на гэтым чэмпіянаце. Сёння ў Нідэрландах ад Робіна чакаюць працягу.

Павялічыць

Зорны час ван Персі прыйшоўся на выступленне за лонданскі «Арсенал». Варта заўважыць, што ў той час яны выступалі разам з беларусам Аляксандрам Глебам. СМІ тады яшчэ жартавалі, называючы Глеба «наводчыкам», а ван Персі — «стралком».

Павялічыць

Часам складвалася ўражанне, што ван Персі ўмее проста лётаць на полі. Забіваць з самых неймаверных пазіцый. З мінусаў адзначаюць ягоны эгаізм.

Ван Персі нарадзіўся ў сям’і творчых людзей. Ягоная мама — мастак і ювелір, а тата — скульптар. Пасля разводу ван Персі жыў з бацькам.

У 21-гадовым узросце Робін трапіў у буйны сэкс-скандал. Ён нават правёў некалькі дзён у ротэрдамскай турме па падазрэнню ў згвалтаванні стрыптызёркі. Аднак у выніку праз адсутнасць доказаў быў апраўданы.

Галандзец жанаты са сваёй даўняй сяброўкай мараканскага паходжання Бухрэ. У пары двое дзяцей.

Павялічыць

Прагноз «НН»: Аргенціна пераможа. Цалкам еўрапейскім фінал у Паўднёвай Амерыцы быць не можа.

• 0
• 0
• 0
• 0
• 0
• 0
• 0
• 0