Колькасць зуброў, якія жывуць у Беларусі, да 2020 года плануюць павялічыць да 1.300 асобін. Гэта прадугледжана планам мерапрыемстваў па захаванні і рацыянальным выкарыстанні зуброў на 2015—2019 гады, паведаміла прэс-служба Міністэрства прыродных рэсурсаў і аховы навакольнага асяроддзя.
Акрамя таго, да 2020 года ў краіне плануецца стварыць дзве новыя мікрапапуляцыі зуброў, падняць імунітэт і знізіць захворванне жывёл за кошт правядзення ацэнкі генетычнага патэнцыялу зуброў і правядзення селекцыйна-племянной працы з жывёламі.
Асноўнай мэтай мерапрыемстваў па захаванню зуброў з'яўляецца «фарміраванне генетычна ўстойлівай хыццеўстойлівай беларускай папуляцыі зубра, якая гарантуе захаванне яго як віду і забяспечвае ўстойлівае выкарыстанне яго рэсурсаў», адзначылі ў прэс-службе.
Цяпер у краіне крыху больш за 1.130 зуброў белавежскай папуляцыі, за апошнія 20 гадоў іх колькасць павялічылася ў 3,3 разы.
X
Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак9
Каментары