У Луганску працягваецца інтэнсіўная стральба, з раніцы пятніцы, 18 ліпеня, па папярэдняй інфармацыі загінула больш за 20 мірных жыхароў.
Пра гэта паведамляе сайт Луганскага гарсавета.
«На працягу сённяшняга дня працягваецца інтэнсіўны абстрэл Луганска. Снарады падаюць практычна ва ўсіх раёнах, у тым ліку зафіксаваныя трапленні ў цэнтры, на кварталах Паўднёвы, Герояў Сталінграда, Гаявога, 50 гадоў кастрычніка, у Каменнабродскім раёне, раёне аўтавакзала, Лесагандлёвага і іншых частках горада», — гаворыцца ў паведамленні.
«Па папярэдняй інфармацыі, з сённяшняй раніцы загінула больш за 20 мірных жыхароў. Дадзеная інфармацыя правяраецца, дакладная колькасць загінулых і пацярпелых будзе удакладняцца», — паведамляе гарсавет Луганска.
Луганчан зноў заклікаюць выконваць меры бяспекі, устрымацца ад выхадаў на вуліцу, не перасоўвацца па горадзе без крайняй неабходнасці, па магчымасці ў месцах узброеных сутыкненняў знаходзіцца ў сховішчах.
Усяго па стане на 18 ліпеня ў Луганску загінулі 44 мірных жыхара, у тым ліку 1 дзіця, параненыя былі 215 чалавек, з іх 4 — дзеці.
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам14
Каментары