Латвія сумесна з Украінай плануе пабудаваць завод па вытворчасці беспілотных лятальных апаратаў у рэгіёне Латгалія, каля ўсходняй мяжы краіны. Пра гэта паведаміў прэм'ер-міністр Латвіі Андрыс Кулбергс пасля пазачарговага пасяджэння ўрада на вайсковай базе Лузнава.
Паводле слоў латвійскага прэм'ера, праект рэалізуюць у рамках міждзяржаўнага пагаднення аб супрацоўніцтве ў сферы абароны, падпісанага з Украінай у пачатку чэрвеня. Урад Латвіі мае намер паскорыць стварэнне сумеснага прадпрыемства.
Кулбергс адзначыў, што пытанні бяспекі маюць асаблівае значэнне для Латгаліі, якая мяжуе з Беларуссю і Расіяй. Паводле яго слоў, ад узроўню бяспекі залежыць развіццё рэгіёна, у тым ліку турызму і іншых галін эканомікі.
Акрамя таго, ён паведаміў, што ўжо ў ліпені або жніўні на латвійскай мяжы з Беларуссю і Расіяй плануюць разгарнуць сістэму супрацьдзеяння беспілотнікам. Мэта — да канца года дасягнуць узроўню абароны ад дронаў, які мае Украіна дзякуючы свайму вопыту ва ўмовах вайны.
Пагадненне паміж Латвіяй і Украінай таксама прадугледжвае перадачу латвійскаму боку ўкраінскага досведу ў галіне супрацьдзеяння беспілотным сістэмам, абароны паветранай прасторы і развіцця сродкаў супрацьпаветранай абароны.
Прэзідэнт Украіны Уладзімір Зяленскі раней адзначыў, што гэтае супрацоўніцтва прадугледжвае не толькі сумесную вытворчасць, але і ўмацаванне абароннага патэнцыялу абедзвюх краін дзякуючы выкарыстанню ўкраінскага практычнага вопыту.
Паветраныя сілы ЗСУ пра рэтранслятары ў Беларусі: Цяпер расіянам значна цяжэй наносіць дакладныя ўдары
ЗША збіраюцца выпускаць ракеты па «мадэлі McDonald’s»
Украінскі вайсковец: Сцэнарый 2022 года, калі ішлі калоны з Беларусі, цяпер нерэалістычны
Паўднёвая Карэя зробіць усіх вайскоўцаў аператарамі дронаў
Цяпер чытаюць
Трагедыя з 30‑гадовай доктаркай са Старобіна — пайшла выдаляць зуб мудрасці і памерла14
Каментары
2 удары па насосным станцыям першага і другога пад'ёма і Астравецкая АЭС без вады.
Спыненая Ігналіна стаіць на беразе возера Дрысвяты. Кропка непадалёк ад мяжы Літвы, Беларусі і Латвіі.
Астравецкая на 60 м вышэй узроўню вады у Віліі.
Паміж Ігналінай і Астравецкай каля 100 км.
Насосная другога пад'ема - 120 км ад Даугавпілса у Латвіі. Тая ж тактыка, што прымянялася Расіяй (рэтранслятары) дазволіць латышскаму дрону большую
частку адлегласці пераадолець уздоўж мяжы Літвы і Беларусі.
Персанал АЭС будзе шукаць дазвол на запуск рэактараў ва Указах Зяленскага.