Уладальнікаў сайтаў абавязалі абараняць правы кліентаў інтэрнэт-магазінаў
Уладальнікаў сайтаў абавязалі абараняць правы кліентаў інтэрнэт-магазінаў. Пастановай Савета міністраў № 709 ад 22 ліпеня ўнесеныя змены і дапаўненні ў Правілы продажу тавараў пры ажыццяўленні рознічнага гандлю па ўзорах.
Як сказана ў каментары Міністэрства гандлю, дакументам прадугледжаны абавязак уласнікаў (уладальнікаў) інфармацыйных рэсурсаў, якія аказваюць прадаўцам паслугі, звязаныя з ажыццяўленнем імі гандлю па ўзорах праз інтэрнэт-магазін, аказваць спажыўцам садзейнічанне ў абароне іх правоў.
У прыватнасці, яны абавязаныя падаваць спажыўцу па яго патрабаванні інфармацыю аб найменні (імені), месцазнаходжанні прадаўца, яго дзяржаўнай рэгістрацыі. Пры звароце спажыўца да ўласніка (уладальніка) такога інфармацыйнага рэсурсу са скаргай на прадаўца ён абавязаны зафіксаваць зварот, а ў выпадку неабгрунтаванай адмовы прадаўца прыняць прэтэнзію спажыўца, перадаць яе прадаўцу.
У дагаворы на аказанне паслуг, звязаных з ажыццяўленнем гандлю праз інтэрнэт-магазін, павінна быць прапісана права ўласніка (уладальніка) інфармацыйнага рэсурсу скасаваць указаны дагавор у выпадку неаднаразовага на працягу года парушэння прадаўцом заканадаўства аб абароне правоў спажыўцоў, а таксама правілаў продажу тавараў. Падставай для скасавання дагавора з'яўляецца пісьмовая пастанова ўпаўнаважанага органа кантролю (нагляду).
Пастанова распрацавана з мэтай выканання закона ад 8 студзеня 2014 года «Аб дзяржаўным рэгуляванні гандлю і грамадскага харчавання ў Рэспубліцы Беларусь».
Тамара Віннікава прадала свой лонданскі дом, завешаны карцінамі самой сябе ШМАТ ФОТА23
Каментары