Прэзідэнт Казахстана Нурсултан Назарбаеў разлічвае, што на перамовах у Мінску Расія і Украіна прыйдуць да кампрамісу. Пра гэта ён заявіў сёння на сустрэчы з прэзідэнтам Украіны Пятром Парашэнкам ў Мінску.
«Галоўнае, каб вы проста, з воку на вока, размаўлялі з Уладзімірам Пуціным. І для Расіі, і для Украіны настае час ісціны. Далей кровапраліцце працягвацца не можа», - сказаў прэзідэнт Казахстана.
«Такая вялікая, добрая, багатая краіна знаходзіцца ў такім стане - балюча глядзець», — сказаў ён.
Назарбаеў падкрэсліў, што Казахстан гатовы аказаць Украіне гуманітарную дапамогу як нейтральная краіна.
Каментары