Лёс старога Менску — «friends only»
Сёньня ў Камітэце па Архітэктуры і Горадабудаўніцтве (вул. Савецкая, 19) архітэктар Уладзь Папруга прадставіў альтэрнатыўны праект рэгенэрацыі гістарычнага цэнтру сталіцы. Галоўны архітэктар Менску, Віктар Нікіцін, заявіў, што паседжаньне ня будзе праходзіць у прысутнасьці прэсы, і папрасіў карэспандэнта «Нашай Нівы» выйсьці з залі.
Сёньня ў Камітэце па Архітэктуры і Горадабудаўніцтве (вул. Савецкая, 19) архітэктар Уладзімер Папруга прадставіў альтэрнатыўны праект рэгенэрацыі гістарычнага цэнтру сталіцы. Праект мае прынцыповыя адрозьненьні ад афіцыйна прынятага, і накіраваны на захаваньне гістарычных помнікаў цэнтру Менску, вырашаючы пры гэтым транспартныя пытаньні.
Галоўны архітэктар Менску, Віктар Нікіцін, заявіў, што паседжаньне ня будзе праходзіць у прысутнасьці прэсы, і папрасіў карэспандэнта «Нашай Нівы» выйсьці з залі. Ён сказаў, што «прэса будзе падключаная да працы пазьней, калі будуць абмеркаваны асноўныя пытаньні». Віктар Нікіцін папрасіў «ня крыўдзіцца на яго».
«Наша Ніва» просіць чытачоў ня крыўдзіцца на галоўнага архітэктара Менску за тое, што грамадзкасьць ня можа ўдзельнічаць у працэсе абмеркаваньня праекту.
Цяпер чытаюць
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць5
Каментары