Прэзідэнт Украіны Пятро Парашэнка стварыў камітэт па пытаннях разведкі пры прэзідэнце і прызначыў яго кіраўніком свайго дарадцу Ігара Смяшко.
Адпаведны ўказ з'явіўся на сайце кіраўніка дзяржавы ў сераду.
Пазначана, што гэта зроблена, «з мэтай павышэння эфектыўнасці работы па забеспячэнню ажыццяўлення прэзідэнтам паўнамоцтваў па кіраўніцтве, каардынацыі і кантролі за дзейнасцю разведвальных органаў Украіны».
Камітэт утвараецца ў складзе старшыні, двух намеснікаў старшыні, у тым ліку аднаго першага, і іншых членаў камітэта, якія прымаюць удзел у яго працы на грамадскіх пачатках.
Персанальны склад камітэта зацвярджаецца прэзідэнтам Украіны па прадстаўленні старшыні камітэта.
Старшыні камітэта Смяшко даручана ўнесці ў двухтыднёвы тэрмін: праект палажэння аб Камітэце па пытаннях выведкі пры прэзідэнце і прапановы па яго персанальным складзе, і прапановы аб парадку каардынацыі дзейнасці выведвальных органаў Украіны ў асаблівы перыяд.
У сваю чаргу прэс-сакратар Парашэнкі Святаслаў Цаголка растлумачыў, што прэзідэнт паставіў перад Смяшко задачу «аб'ектыўна інфармаваць армію, краіну, свет адносна вайны і пагроз».
Раней у гэты ж дзень Парашэнка прызначыў Смяшко сваім дарадцам.
Ігар Смяшко ўзначальваў Службу бяспекі Украіны з 4 верасня 2003 па 4 лютага 2005.
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе36
Каментары