Ён можа быць супастаўны з азіяцкім 1997 году.
Дырэктар эўрапейскага дэпартамэнту МВФ Майкл Дэплер адзначае, што «некалькі краінаў насамрэч дэманструюць такія ж сымптомы, як і шэраг азіяцкіх краінаў напярэдадні рэгіянальнага фінансавага крызысу, што здарыўся дзесяць год таму».
Паводле эканаміста, трывогу выклікае дэфіцыт бягучых рахункаў, што фінансуецца за кошт замежных сродкаў, а таксама рост узроўню запазычанасьці прыватнага сэктару. Да ўсяго, адзначае Дэплер, асобныя краіны з найвастрэйшай праявай гэтых сымптомаў трымаюцца рэжыму фіксаванага абменнага курсу.
Дырэктар дэпартамэнту ня лічыць сытуацыю цалкам аналягічнай той, што склалася ў Азіі ў 1997 г. На яго думку, давер інвэстараў да якасьці кіраваньня эканомікамі вышэйазначаных краінаў значна вышэйшы, як да краінаў Азіі ў часе крызысу. Тым больш, што паўднёва‑эўрапейскім краінам надае аптымізму фактычнае або патэнцыйнае сяброўства ў Эўрасаюзе.
Аднак экспэрт перасьцерагае: шэраг краінаў дэманструе неапраўданую залежнасьць ад замежнага фінансаваньня, што робіць іх эканомікі занадта ўразьлівымі да нечаканых збояў. У зьвязку з гэтым МВФ рэкамэндуе устрымацца ў бліжэйшы час ад стымуляваньня спажывецкага буму, рухавіком якога стаў прыватны сэктар эканомікі. Неабходны таксама кантроль у банкаўскай сфэры.
МВФ раіць краінам рэгіёну нарошчваць эфэктыўнасьць сваіх эканомік шляхам рэфармаваньня. Толькі такім чынам можна запэўніць інвэстараў у слушнасьці ўкладаньняў у эканоміку краінаў.
Як адзначае Газета.Ru, Расеі падобны крызыс не пагражае. Паводле Цэнтрабанку рахунак бягучых апэрацыяў плацёжнага балянсу Расеі станоўчы. Да таго ж, чакаецца беспрэцэдэнтны прыплыў прыватнага замежнага капіталу ў РФ. Пра давер да краіны сьведчыць таксама прыток сродкаў у замежныя фонды, што інвэстуюць ў краіны СНД і Расею.
Цяпер чытаюць
У Мінску памёр адзін з самых вядомых забойцаў Расіі. Ён жыў пад чужым іменем і стаў пісьменнікам-фантастам5
Каментары