Пызы ўяўляюць сабой пышкі, прыгатаваныя з тварагу, бульбы і начынкі, «душы», з мяснога фаршу. Такія пышкі — ідэальны варыянт, каб накарміць усю сям'ю. У суседняй Літве падобная страва называецца цэпеліны.
Для цеста:
250 г тварагу (калі ўзяць хатні — будзе толькі смачней!)
1 шклянка мукі
1 шклянка крухмалу
3-4 шт. бульбы (нацерці на дробнай тарцы)
соль па смаку
Для начынкі:
фарш са свініны і ялавічыны 200 гр
цыбуля 1 шт.
соль
яйка 1 шт.
спецыі
Гатаванне:
1. Злучыць тварог, крухмал, цёртую бульбу, муку і соль, усё добра вымесіць — павінна атрымацца мяккае, пластычнае цеста. Даць яму трохі пастаяць.
2. Прыгатаваць мясную начынку. Для гэтага ў фарш са свініны і ялавічыны дадаць дробна нарэзаную цыбулю, сырое яйка, соль і спецыі, змяшаць.
3. Вылепіць пызы. З цеста сфармаваць круглую аладку 5-6 мм таўшчынёй, на яе пакласці начынку, зверху накрыць другой аладкай і злучыць краі. Можна зрабіць пызы памерам як пельмені, можна — крыху больш.
4. Разагрэць на патэльні алей і абсмажыць пызы да румянай скарыначкі з абодвух бакоў. Яшчэ смачней атрымаецца, калі прыгатаваць іх на шкварачках. Падрумяненыя пызы давесці да гатоўнасці ў духоўцы. Падаць са смятанай або мачанкай.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары