Сусветныя лідары збіраюцца ў Парыжы для ўдзелу ў маршы адзінства, які пройдзе ў нядзелю ў памяць ахвяр тэрактаў апошніх дзён. На гэтым тыдні ад рук ісламскіх экстрэмістаў у французскай сталіцы загінулі 17 чалавек.
У маршы возьмуць удзел больш за 40 кіраўнікоў дзяржаў і ўрадаў, у тым ліку прэм'ер-міністр Ізраіля Біньямін Нетаньяху і лідар Палесцінскай аўтаноміі Махмуд Абас.
Расею будзе прадстаўляць міністр замежных спраў Сяргей Лаўроў, Беларусь — пасол Павел Латушка.
Чакаецца, што на вуліцы Парыжа выйдзе больш за мільён чалавек.
Гарантаваць бяспеку акцыі будуць тысячы вайскоўцаў і паліцэйскіх. У цэнтры французскай сталіцы па ходзе маршу на дахах дамоў будуць размешчаны снайперы.
У Польшчы арыштавалі былога кіраўніка беларускага «Паспалітага рушэння» — пагражае 10 год за наркотыкі26
Каментары