Здароўе

Дыярэя ў падарожжы: не хапайцеся за антыбіётыкі

Падарожнікам варта ўжываць антыбіётыкі для лячэння дыярэі толькі ў цяжкіх выпадках, кажуць аўтары даследавання, якое было апублікаванае 22 студзеня ў часопісе Clinical Infectious Diseases.

«Пераважная большасць усіх выпадкаў дыярэі падарожнікаў пераносіцца параўнальна лёгка і не патрабуе лекавання антыбактэрыяльнымі сродкамі», — сцвярджае доктар Ану Кантэле, дацэнт кафедры інфекцыйных захворванняў з Хельсінкскай універсітэцкай лякарні ў Фінляндыі.

Даследнікі пратэставалі 430 людзей з Фінляндыі да і пасля таго, як яны выязджалі за межы краіны. Прыкладна адзін з пяці тых, хто пабываў у трапічных і субтрапічных рэгіёнах, вярнуўся з устойлівымі да антыбіётыкаў бактэрыямі кішэчніка.

Фактары рызыкі падхапіць устойлівых да антыбіётыкаў бактэрый кішэчніка ўключаюць наяўнасць дыярэі падарожнікаў і спробу лекаваць яе антыбіётыкамі. Больш як траціна падарожнікаў з ліку тых, хто прымаў антыбіётыкі для лячэння дыярэі, вярнуліся дадому з устойлівымі да антыбіётыкаў бактэрыямі, гаворыцца ў даследаванні. Названыя рэгіёны, звязаныя з высокай рызыкай: Паўднёвая, Усходняя ды Паўднёва-Усходняя Азія, Паўночная Афрыка і Блізкі Усход.

Людзі, якія атрымліваюць устойлівых да антыбіётыкаў бактэрый, не маюць відавочных праблем. Але яны ў якасці носьбітаў гэтай трасцы могуць несвядома распаўсюдзіць небяспечныя супербактэрыі ў сваіх уласных краінах. «Больш за 300 мільёнаў чалавек наведваюць гэтыя рэгіёны з высокай рызыкай кожны год, — сказаў эксперт. — Калі прыкладна 20 працэнтаў з іх вяртаюцца носьбітамі супербактэрый, гэта сапраўды велізарная колькасць. Гэта сур'ёзная рэч. Адзіным станоўчым момантам з'яўляецца тое, што каланізацыя, як правіла, часовая і працягваецца каля 6 месяцаў».

Падарожнікам варта больш асцярожна ставіцца да прыёму антыбіётыкаў як сродку для лячэння дыярэі, вандроўнікі з дыярэяй павінны піць шмат вадкасці, выкарыстоўваць іншыя супрацьдыярэйныя лекі і звярнуцца да лекара, калі ёсць такія сімптомы, як высокая тэмпература, крывавы кал або сур'ёзнае абязводжванне. 

Каментары

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал11

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

У Афрыцы зазелянела пустыня — і прычына гэтаму не толькі змена клімату3

У жаночых прыбіральнях Кітая з'яўляюцца пісуары. Навошта?1

Спявачка з Беларусі трапіла ў скандал у ЗША. Вінаваціць прафесара Калумбійскага ўніверсітэта ў згвалтаванні, а ён яе — у пераследзе сям'і13

Беларус расказаў, як правозіў ката самалётам з перасадкамі

На брэсцкім вакзале заўважылі апарат з «цублямі» замест рублёў1

Мінск прыме расійска-грузінскія перамовы2

Рыжанкоў заявіў, што Беларусь дабіваецца ад ЗША зняцця санкцый у абмен на палітвязняў18

У Берліне распрацавалі план, як ЕС працягваць падтрымку Украіны нават пасля прыходу да ўлады Ле Пэн у Францыі3

Для каардынацыі ўдараў па Крымскім мосце ўкраінцы выкарыстоўвалі свае «лятучыя мадэмы»4

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал11

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць