Украінцы, беларусы і іншыя народы былога СССР таксама маюць права на расійскія рэсурсы — такое меркаванне выказаў Яўген Джугашвілі, унук Іосіфа Сталіна ў інтэрв'ю брытанскай газеце Daily Mail.
«У час Другой сусветнай вайны рускія, украінцы, беларусы і іншыя нацыі разам змагаліся супраць нацызму ў складзе Чырвонай арміі, абараняючы сваю краіну і яе рэсурсы. Мы аддзяліліся адзін ад аднаго, калі СССР распаўся. Але чаму б не прадаваць Украіне гэтыя рэсурсы па ніжэйшай цане? Продкі украінцаў абаранялі гэтыя рэсурсы. Чаму цяпер мы патрабуем ад іх вышэйшую цану, чым ад Германіі? Хіба гэта справядліва? Гэта ўсё таму, што злодзеі прыбралі да рук уладу, а не разумныя людзі», — лічыць ён.
Каментары