Беларускі архіў вуснай гісторыі анансаваў конкурс відэа-інтэрв’ю «Памяць народу», у якім мяркуецца запісваць успаміны сталых людзей.
МГА «Гісторыка» цікавяць успаміны людзей сталага веку аб падзеях любой даўніны да 1991 года ўключна.
Удзельнікам конкурсу раяць укладвацца ў 20-25 хвілін. Арганізатары конкурсу могуць дапамагчы з мантажом. Галоўны крытэр ацэнкі дасланых відэа – цікавы змест успаміну.
Зробленыя відэазапісы інтэрв’ю прымаюцц-а да 15 красавіка. Затым да 30 красавіка будзе працаваць экспертнай група, пройдзе галасаванне на Youtube. Узнагароджанне пераможцаў конкурсу пройдзе 4 мая.
Галоўным прызам стане відэакамера, за другое месца дадуць сучасны планшэт, за трэцяе — набор цікавых кніг.
Прэзентацыі конкурсу пройдуць у кожным абласным цэнтры:
29 студзеня – Гродна, Беларускі інстытут правазнаўства, вул. Маставая 39, актавая зала, 3 паверх, а 17.00;
2 лютага – Магілёў, час а 18.30, месца правядзення ўдакладняецца;
4 лютага – Віцебск, Цантральная гарадская бібліятэка ім. М. Горкага, вул. Фрунзэ 30а, а 18.30;
7 лютага – Гомель, Філіял Веткаўскага музею, вул. Леніна 4, а 16.00;
17 лютага – Брэст, Культурны цэнтр «Грунтоўня», вул. Дзяржынскага 4, а 18.30;
23 лютага – Мінск, час і месца ўдакладнаюцца.
Падрабязней пра конкурс можна прачытаць на сайце nashapamiac.org.
Цяпер чытаюць
Адпачынак для бясстрашных і беспрынцыповых: што цяпер з турамі з Беларусі ў Крым?4
Каментары