«Адольф Пуцін»: у Венгрыі прайшла акцыя пратэсту супраць візіту прэзідэнта Расіі
У Будапешце каля дзвюх тысяч чалавек выйшлі на дэманстрацыю пратэсту супраць візіту ў Венгрыю прэзідэнта Расіі Уладзіміра Пуціна.
Дэманстрацыя ў Будапешце прайшла ўвечары ў панядзелак. Удзельнікі акцыі пратэсту неслі плакаты «Пуціну — не, Еўропе — так!»,, «Адольф Пуцін», «Свабоду Надзеі Саўчанка!».
Многія ўдзельнікі дэманстрацыі пратэсту ў Будапешце заяўляюць, што больш цесныя адносіны з Масквой выклікаюць у іх непакой, бо гэта можа прывесці да «паўзучай пуцінізацыі» Венгрыі.
Візіты расійскага прэзідэнта ў краіны ЕС практычна спыніліся ў сувязі з канфліктам на ўсходзе Украіны. Гэта першы з чэрвеня 2014 года візіт расійскага лідара ў краіну Еўрапейскага Саюза.
Паводле аглядальнікаў, расійскі прэзідэнт хоча прадэманстраваць, што мае саюзнікаў сярод краін, якія ўваходзяць у ЕС і НАТА.
Венгрыя падтрымлівае санкцыі, накладзеныя Еўрапейскім Саюзам на Расію ў сувязі з канфліктам на ўсходзе Украіны, аднак адначасова заяўляе пра вельмі кепскія наступствы гэтых санкцый.
У 2014 годзе прэм'ер-міністр Венгрыі Віктар Орбан сказаў, што ЕС «пакараў самога сябе», абмежаваўшы гандлёвыя адносіны з Масквой.
Каля паловы імпартаванага Венгрыяй прыроднага газу паступае з Расіі, і цяпер Венгрыя хацела б заключыць з Масквой дамову аб доўгатэрміновых пастаўках газу. Цяперашні дагавор заканчваецца сёлета.
Цяпер чытаюць
«Як толькі чуюць пра Расію — дык усё… У чым праблема?» У Мінску не хочуць здаваць кватэру чалавеку з расійскім пашпартам3
Каментары