Дзеля кадраў з жарала вулкана тэлеканал ахвяраваў некалькімі дронамі.
Вулканы не церпяць гасцей. Два дроны, што заляцелі ў жарало вулкана на выспах Вануату гераічна загінулі, перадае Mashable.
Кадры з беспілотнікаў трансляваліся ў рэальным часе, таму відэа атрымалася захаваць на камп’ютары.
Акрамя захапляльных кадраў даследчыкі атрымалі трохвымяровую карту жарала і пробы глебы, што дапаможа ў даследаванні вулканаў і вывучэнні арганізмаў, якія могуць вытрываць экстрэмальныя ўмовы.
Вулканы на астравах Вануату ўжо трапляў у аб’ектывы камер: у канцы 2014 года яго знялі на GoPro ў разрозненні 4K. Тады абышлося без кіберахвяр.
***
Вануату — астраўная рэспубліка на ўсходзе ад Аўстраліі. Астравы размешчаныя ў вулканічным поясе Ціхага акіяна, часта адбываюцца вывяржэнні. Да 20% тэрыторыі дзяржавы сфармавалася ў апошнія 200 тысяч год, штогод астравы падымаюцца прыкладна на 0,5 мм.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося3
Каментары