На «Беларусьфільме» сярод бясконцых фільмаў пра вайну нарэшце здымуць навагоднюю камедыю
Нацыянальная кінастудыя «Беларусьфільм», якая даўно і трывала асацыюецца з вытворчасцю танных ваенных драм, спрабуе выканаць даручэнне Лукашэнкі і зняць «новае жывое кіно».
Як паведаміў у эфіры тэлеканала СТВ генеральны дырэктар кінастудыі Дзмітрый Сямёнаў, на «Беларусьфільме» пачынаюцца здымкі новай навагодняй карціны.
«Хоць зараз за акном у нас такое цёплае надвор'е, у пятым павільёне кінастудыі ў нас сапраўдная зіма. З ёлкамі, заснежана», — распавёў ён.
Вядучыя дзяржаўнага тэлеканала не маглі не нагадаць дырэктару пра народную мянушку кінастудыі — «Партызанфільм». У адказ Дзмітрый Сямёнаў запэўніў, што традыцыі захоўваюцца, але студыя ўпэўнена рухаецца наперад. Праўда, у якасці прыкладаў гэтага руху ён назваў усё тыя ж ваенна-гістарычныя праекты. Літаральна днямі былі завершаны здымкі карціны «Вышыня», якая аб'яднала кінематаграфістаў з сямі краін СНД, а таксама завяршаецца маштабны праект «Бацька Мінай. Партызанская легенда».
Генеральны дырэктар кінастудыі «Беларусьфільм» Дзмітрый Сямёнаў. Скрыншот эфіру СТБ
Спроба разбавіць аднастайную ваенную тэматыку лёгкім жанрам пачалася пасля таго, як летась, падчас візіту на «Беларусьфільм», Аляксандр Лукашэнка даволі жорстка выказаўся пра стан галіны. Пасля гэтага перад кіраўніцтвам была пастаўлена задача ствараць «сваё кіно — сумленнае і жывое».
Паводле слоў Дзмітрыя Сямёнава, кінастудыя неадкладна пачала працу. У прыватнасці, быў праведзены конкурс сцэнарыяў, на які, як сцвярджае дырэктар, даслалі больш за 250 прац. Акрамя таго, быў абвешчаны вялікі народны кастынг для новай карціны, які нібыта выклікаў велізарны ажыятаж не толькі ва ўсіх кутках Беларусі, але і аднекуль з-за мяжы.
Цяпер чытаюць
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома2
Каментары
Якая камедыя з вайны?