У Новадзявочым манастыры ў цэнтры Масквы — пажар.
Lenta.ru са спасылкай на ria.ru паведамляе, што загарэлася званіца.
«Прычына і плошча пажару вызначаюцца», — сказала крыніца, удакладніўшы, што загарэліся рыштаванні, у якіх знаходзілася званіца. Плошча, па словах крыніцы, складае 100 квадратных метраў, будаўнічыя рыштаванні ў званіцы абрынуліся.
Першыя пажарныя разлікі прыбылі на месца здарэння праз чатыры хвіліны пасля паведамлення аб узгаранні — а 22:45.
23:25
«Агонь распаўсюджваецца па будаўнічых рыштаваннях, плошча пажару 100 кв. м, побач размешчаны двухпавярховы будынак», - растлумачыла крыніца.
Паводле папярэдняй інфармацыі, пажар узнік з-за замыкання цеплавых гармат, што сушылі фасад. Ахвяраў няма.
23:45
Верхняя частка званіцы цалкам ахоплена агнём. Пра гэта ТАСС паведамілі ў праваахоўных органах расійскай сталіцы.
Уся званіца была ў будаўнічых рыштаваннях. «Менавіта яны і загарэліся, агонь перакінуўся на верхнюю частку званіцы, цалкам ахапіўшы яе агнём», - паведамілі ў праваахоўных органах.
На месцы здарэння працуюць пажарна-выратавальныя падраздзяленні. Яны тушаць агонь з дапамогай пяці вышынных механізмаў. Прыехала паліцыя.
Згарэлыя часткі рыштаванняў адрываюцца і падаюць уніз, дагараючы на зямлі, дадае tvrain.ru.
23.59
«У тушэнні пажару прымаюць удзел 113 чалавек асабістага складу, 29 адзінак тэхнікі», - паведамілі ТАСС у ГУ МНС. Звестак аб пацярпелых не паступала.
00:06
Гэтая званіца ў свой час была другой па вышыні пасля званіцы Івана Вялікага ў Крамлі. Стыль, у якім яна пабудавана, называецца нарышкінскае барока, удакладняе выданне «Афіша- Воздух».
00:11
Дэпартамент транспарту Масквы просіць аўтамабілістаў ўстрымацца ад паездак у раёне манастыра, каб не перашкаджаць рабоце пажарных, паведамляе інфацэнтр ведамства.
«Просім аўтамабілістаў устрымацца ад паездак у раён Новадзявочага манастыра, каб не перашкаджаць рабоце пажарных разлікаў», - гаворыцца ў паведамленні.
00:21
Прылеглыя да званіцы будынкі не пацярпелі ад пажару, сказаў журналістам намеснік начальніка Галоўнага ўпраўлення МНС па Маскве Аляксандр Гаўрылаў, перадае ТАСС.
00:35
Пажар у званіцы Новадзявочага манастыра патушаны. Віцэ-мэр Масквы Пётр Бірукоў запэўніў, што капітальнай шкоды званіца не панесла. Ніякіх каштоўнасцяў ўнутры яе не было.
Цяпер чытаюць
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?15
Каментары