31 ліпеня новапрызначаны павераны ў справах Вялікабрытаніі ў Беларусі Уільям Лангхёрст перадаў копіі даверчых грамат міністру замежных спраў Максіму Рыжанкову.
Падчас сустрэчы, як паведамляецца, бакі абмеркавалі цяперашні стан адносін паміж Беларуссю і Вялікабрытаніяй, а таксама магчымасці для іх далейшага развіцця. У беларускім МЗС заявілі, што размова прайшла ў атмасферы даверу і ўзаемаразумення.
Уільям Лангхёрст працуе ў дыпламатычнай сістэме больш за 35 гадоў. За сваю кар'еру ён працаваў у брытанскіх дыпламатычных прадстаўніцтвах у Японіі, Паўднёвай Карэі, Камбоджы, Сербіі і Швейцарыі, а таксама ў пастаянным прадстаўніцтве Вялікабрытаніі пры ААН у Нью-Ёрку.
У 2019—2024 гадах Лангхёрст быў намеснікам кіраўніка дыпламатычнай місіі Вялікабрытаніі ў Швейцарыі. Адначасова ён займаў пасаду генеральнага консула Вялікабрытаніі ў Швейцарыі і Ліхтэнштэйне.
Да прызначэння Лангхёрста абавязкі часовага кіраўніка брытанскай дыпламатычнай місіі ў Беларусі выконваў Дэвід Уорд. Паўнавартаснага пасла ў Беларусі Вялікабрытанія цяпер не мае.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары
Але нашы дэмсілы, якія працуюць з Еўропай супраць гандлю палітвязнямі.
Таму брытанскі чыноўнік правёў перамовы і наладзіў сувязі з рэжымам Лукашэнкі проста так. Без умовы выратавання хоць бы некалькіх палітвязняў.