Нацыянальная зборная Беларусі па футболе правяла таварыскую сустрэчу з габонцамі. Матч праходзіў у Турцыі, а жывая трансляцыя ішла на тэлеканале «Беларусь-5».
У гульні з афрыканцамі галоўны трэнер нашай каманды Аляксандр Хацкевіч даў з першых хвілін згуляць дублёрам. Тым футбалістам, якія не гулялі, ці згулялі па мінімуму ў пятніцу з Македоніяй.
Абсалютнымі дэбатантамі зборнай сталі брамнік Андрэй Гарбуноў, а таксама нападаючыя Мікалай Януш і Аляксандр Макась.
І беларусы, і габонцы абыходзіліся ў сустрэчы без сваіх намінальных лідараў. Справа ў тым, што Аляксандр Глеб атрымаў пашкоджанне пару дзён таму ў Скоп’е. А П’ер-Эмерык Абамеянг з дортмудскай «Барусіі» загрыпаваў.
Што тычыцца гульні, то склалаася ўражанне, што сышліся дзве абсалютна роўныя каманды. І перамога магла застацца за кожным з бакоў, але цудоўную гульню прадэманстравалі брамнікі зборных.
Наступны матч беларусы правядуць дома ў чэрвені з Іспаніяй. Гэта будзе адборачны матч да чэмпіянату Еўропы.
Цяпер чытаюць
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве4
Каментары