Дасье

Топ-100 самых уплывовых беларусаў. 19. Аляксандр Шакуцін

19 (19). Аляксандр Шакуцін

Старшыня рады дырэктараў ААТ «Амкадор».

 

На працягу апошніх гадоў Шакуцін стаў самым набліжаным да Аляксандра Лукашэнкі бізнэсменам. Мільянер суправаджае яго і падчас рабочых турнэ, сумешчаных з адпачынкам, і нават падчас сямейных візітаў да цешчы Лукашэнкі. А калі на сына Шакуціна быў здзейснены разбойны напад, то кіраўнік краіны ўзяў расследаванне справы пад асабісты кантроль.

Бізнэсмен свядома абраў стратэгію блізкасці да ўлады. Ён сёмы год сядзіць у савеце рэспублікі і з задавальненнем забірае да сябе чыноўнікаў-адстаўнікоў.

Напрыклад, дырэктар «Амкадо-ра» — былы памочнік прэзідэнта Сяргей Ткачоў, а ягоны намеснік — былы віцэ-мэр Мінска Сяргей Радаман.

Холдынг Шакуціна тым часам атрымлівае новыя і новыя заводы.

Акрамя таго, разам з наваполацкім сябрам і партнёрам Мікалаем Вараб’ём Шакуцін выкупіў «Абсалютбанк», а таксама выказаў жаданне заняцца турбізнэсам.

Сярод актываў бізнэсмена застаецца і прадзюсарскі цэнтр «Спамаш», голас якога — самая маладая заслужаная артыстка краіны Алена Ланская. Разам з ёй Шакуцін спрабаваў скарыць «Еўрабачанне».

 

Цытата

«Мы дамовіліся, што Шакуцін ніколі не будзе выводзіць грошы ў афшоры ці яшчэ кудысьці хаваць, а будзе ўкладаць у эканоміку Беларусі».

Аляксандр Лукашэнка ў снежні 2014.

 

Аб’ектыўка

Нар. у 1959 у вёсцы Вялікае Бабіна Аршанскага раёна. Закончыў Беларускі

дзяржаўны медыцынскі ўніверсітэт па спецыяльнасці «хірургія». Працаваў загадчыкам хірургічнага аддзялення 10-й мінскай бальніцы, дырэктарам медцэнтра МТЗ. У якасці прэзідэнта прадпрыемства «Праммедінвест» займаўся пастаўкамі медыцынскага абсталявання. Старшыня рады дырэктараў ААТ «Амкадор» (з 2005), член савета рэспублікі (з 2008), старшыня Беларускай тэніснай федэрацыі (з 2012).

* * *

Чытайце таксама:

Феномен Шакуціна: як вясковы хлопец стаў адным з найбагацейшых бізнэсмэнаў

* * *

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць66

Сяргей Ціханоўскі абурыўся беларускай мовай Святланы Ціханоўскай91

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

Беларускі хлеб збіраюцца захоўваць па паўгода1

Ці можна перамагчы баршчэўнік воцатам і соллю?3

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць