Сукенка Джэніфер Лопес прымусіла Google шукаць карцінкі
Можна сказаць, што ў хірургічных робатаў палепшыцца зрок менавіта праз сукенку Джэй-Ло.
Старшыня рады дырэктараў Google Эрык Шміт распавёў на Project Sindicate гісторыю папулярнага сэрвісу Google — пошуку па карцінках.
У 2000 годзе нельга было проста «загугліць» фота Джэніфер Лопес і атрымаць у выдачы адно карцінкі — карыстальнік бачыў толькі тэкставыя спасылкі і мусіў адгадваць, дзе знойдзе патрэбнае фота.
А фота Джэніфер Лопес у зялёнай сукенцы карыстальнікам было патрэбнае. На цырымоніі «Грэмі» ў 2000 годзе спявачка з’явілася ў нечым падобным да паўпразрыстага халату на голае цела. Сукенка ад Versace, як кажуць сёння, «узарвала інтэрнэт» — запыт «JLo green dress» стаў самым папулярным за ўсю гісторыю Google на той час (хоць Джэй-Ло тады «Грэмі» не атрымала).
Каб запусціць пошук па карцінках у 2001 годзе, Google скарыстаўся тэхналогіяй распазнавання выявы праз нейронныя сеткі. На самой справе, Google аналізаваў не толькі і не столькі саму выяву — карцінкі шукаліся па назве, кантэксце старонкі, EXIF-звестках здымку.
Але сёння тэхналогіі дазваляюць распазнаваць і самі выявы. Напрыклад, адрозніць аўтобус ад слана. Такія тэхналогіі дапамогуць не толькі тым, хто хоча паглядзець на Джэніфер Лопес, але і тым, хто праводзіць хірургічныя аперацыі.
Цяпер чытаюць
У загінулай у Сляпянцы дзяўчыне апазналі Яну Кастранкову2
Каментары