Беларусь вельмі зацікаўлена ў тым, каб больш цесна супрацоўнічаць з Захадам па шэрагу кірункаў.
Аб гэтым заявіў Аляксандр Лукашэнка на сустрэчы з еўракамісарам па еўрапейскай палітыцы суседства і перамоваў аб пашырэнні ЕС Ёханесам Ханам, які знаходзіцца з візітам у Мінску.
Па словах Лукашэнкі, Беларусь зацікаўлена ў больш цесным супрацоўніцтве з Еўрапейскім саюзам у галіне тэхналогій, перш за ўсё грамадзянскага прызначэння, у развіцці эканамічных кантактаў. На думку беларускага лідара, эканоміка павінна быць падмуркам любых адносін і супрацоўніцтва.
Лукашэнка адзначыў, што вельмі актуалізаваны апошнім часам такі напрамак, як бяспека, асабліва ва ўсходнім рэгіёне Еўропы.
Акрамя таго, важным з'яўляецца ўзаемадзеянне па спыненні трансгранічнай злачыннасці. Кіраўнік дзяржавы падкрэсліў, што Беларусь уносіць істотны ўклад у барацьбу з пранікненнем наркотыкаў, ядзерных рэчываў на тэрыторыю Еўропы. «Мяркую, што гэты кірунак ужо ў бліжэйшы час будзе ўсё больш і больш ўяўляцца актуальным», — сказаў кіраўнік беларускай дзяржавы.
«Ёсць вельмі шмат напрамкаў супрацоўніцтва», - рэзюмаваў Лукашэнка. Ён прапанаваў абмеркаваць бачанне Еўрасаюзам перспектыў супрацоўніцтва з Беларуссю.
«Мяне гэтае пытанне больш за ўсё цікавіць, каб адкарэктаваць, а магчыма, і збудаваць у будучыні нашу палітыку ў дачыненні да Еўрапейскага саюза», — падкрэсліў Лукашэнка.
«Хацелася б, каб Усходняе партнёрства было перафарматавана са звычайнай палітыкі да больш цеснага канкрэтнага супрацоўніцтва, заснаванага на вырашэнні эканамічных праблем», — сказаў кіраўнік беларускай дзяржавы.
«І трэба ўсяляк пазбягаць, хоць нам у апошні час гэта ўдаецца, развіваць партнёрства не супраць каго б там ні было, а за супрацоўніцтва», — адзначыў ён, патлумачыўшы, што мае на ўвазе адносіны з Расіяй, Кітайскай Народнай Рэспублікай. «Мы не для гэтага ствараем наша вымярэнне. Мы яго ствараем для таго, каб палепшыць жыццё людзей і засцерагчы еўрапейскі кантынент», — дадаў беларускі лідар.
Каментары