Агульны аб’ём хабару перавысіў 750 000 рублёў.
Сілавікі затрымалі 44 службовыя асобы з прадпрыемстваў розных галін — аграпрамысловага і паліўна-энергетычнага комплексаў, ЖКГ, будаўніцтва, транспарту, адукацыі і іншых галін, паведамляе прэс-служба МУС.
Паводле МУС, яны гадамі атрымлівалі хабары ад удзельнікаў тэндараў у абмен на гарантаванае прасоўванне іх камерцыйных інтарэсаў — забяспечвалі выбар патрэбных арганізацый у якасці пастаўшчыкоў, спрыялі бесперашкоднай прыёмцы тавараў і кантралявалі своечасовую аплату за пастаўкі.
Агульная сума хабару перавысіла 750 000 рублёў.
Арганізатарам схемы выступіў заснавальнік шэрагу камерцыйных арганізацый.
Паводле МУС, ён распрацаваў механізм размеркавання незаконных выплат, нават вывеў спецыяльную формулу сумы хабару.
Перадаваць хабар яму дапамагалі падначаленыя, якія адказвалі за падбор партнёраў і ўзаемадзеянне са службовымі асобамі.
Падчас ператрусу ў офісе фірмы аператыўнікі канфіскавалі дакументы чорнай бухгалтэрыі, у якіх змяшчаліся звесткі пра сумы здзелак і выплачаных адкатаў.
У дачыненні да 44 фігурантаў ва ўзросце ад 31 да 65 гадоў заведзена 45 крымінальных спраў за хабарніцтва. Паводле МУС, многія з іх былі затрыманыя непасрэдна падчас атрымання хабару.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі22
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары