Па выніках парламенцкіх выбараў, якія адбыліся ў Фінляндыі ў нядзелю, больш за ўсё галасоў атрымала апазіцыйная партыя Цэнтр.
Яна набрала 21,3% галасоў і атрымала 49 месцаў, што на 14 больш, чым у мінулым складзе.
Акрамя Цэнтра, свой вынік палепшыў Зялёны саюз. Яны фінішавалі з вынікам 8,5% і атрымалі пяць дадатковых месцаў. Цяпер у парламенце будзе 15 «зялёных» дэпутатаў.
Больш за ўсё страцілі Кааліцыйная і Сацыял-дэмакратычная партыя. Кааліцыянеры страцілі 7і месцаў, а сацыял-дэмакраты — 8. Адно месца страцілі «Сапраўдныя фіны», аднак у сілу таго, што астатнія прайгралі яшчэ больш, партыя стала другой па памеры ў парламенце, і старшыня Ціма Сойні назваў вынік перамогай.
Цяперашні прэм'ер-міністр Фінляндыі Аляксандр Стуб ужо прызнаў сваю паразу.
Цяпер чытаюць
У Пскове расіянін забіў беларуса Валерыя за тое, што той патрабаваў паважаць беларускую нацыю7
Каментары