На адхонах уздоўж Мінскай кальцавой аўтадарогі восенню будуць высаджаныя горная хвоя, дзявочы вінаград, казацкі ядловец і барбарыс Тунберга, паведаміў на прэс-канферэнцыі 3 чэрвеня старшыня Мінскага гарадскога камітэта прыродных рэсурсаў і аховы навакольнага асяроддзя Сяргей Масляк.
Гэта дазволіць «максімальна запоўніць адхоны, стварыць пэўную прыгажосць і ў той жа час знізіць затраты на іх абслугоўванне». «Бюджэтам прадугледжваюцца сродкі на ўтрыманне, і калі косіцца роўны газон — гэта адны расцэнкі, калі косіцца круты адхон — гэта іншыя расцэнкі, адпаведна растуць і затраты паліва», — растлумачыў Масляк.
Зараз, дадаў ён, чакаецца заключэнне спецыялізаваных арганізацый аб тым, якія расліны лепш высаджваць на крутым адхоне з ценявога і сонечнага боку.
Кіраўнік камітэта падкрэсліў, што расліны будуць высаджваць на пустых адхонах.
«Каб перарабіць увесь адхон, трэба зняць з яго газон і ўсё зрабіць па-новаму, таму, я думаю, што сфарміраваныя адхоны мы кранаць не будзем, пустыя — так, пэўная праграма ў гэтым кірунку «Мінскзеленбудам» ужо вядзецца», — дадаў ён.
Нагадаем, пра неабходнасць высаджваць уздоўж дарог лесапалосы 26 красавіка заявіў Аляксандр Лукашэнка. «На ўсе высокія адхоны трэба пасадзіць хвою, і няхай яна расце ўздоўж дарогі. Гэта ўсё роўна эканомія. Не трэба даглядаць гэтую паласу. А так бур'ян расце — два разы на год хочаш не хочаш яго трэба касіць», — сказаў ён, нагадаўшы, што раней такія лесапалосы высаджваліся ўздоўж аўтадарог, але потым некаторыя з іх высякаліся.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары