Нацыянальны банк даў дзвюм арганізацыям права на страхаванне насельніцтва ў замежнай валюце, гаворыцца ў паведамленні Беларускай асацыяцыі страхоўшчыкаў.
Паводле звестак асацыяцыі, дазвол прадастаўлены кампаніі «Стравіта» і кампаніі «Прыёрлайф».
«Дзве страхавыя арганізацыі, якія займаюцца страхаваннем жыцця, атрымалі дазвол Нацыянальнага банка на выкарыстанне замежнай валюты ў разліках з фізічнымі асобамі па дагаворах страхавання, якія адносяцца да страхавання жыцця, у тым ліку дагавораў страхавання дадатковай пенсіі», — паведамляе асацыяцыя.
Такім чынам, цяпер заключыць дамову страхавання кліенты названых арганізацый могуць не толькі ў беларускіх рублях, але і ў замежнай валюце.
Нацбанк з 1 сакавіка 2015 года забараніў страхавым кампаніям ажыццяўляць разлікі з насельніцтвам у замежнай валюце. Гэтае рашэнне, як тлумачыў беларускі цэнтрабанк, накіравана на скарачэнне выкарыстання замежнай валюты ў разліках на тэрыторыі Беларусі і «павышэнне даверу насельніцтва да нацыянальнай валюты».
Разам з тым кіраўніцтвам Мінфіна ў ходзе сакавіцкай калегіі ведамства заявіла аб немэтазгоднасці ўвядзення забароны на разлікі ў замежнай валюце для страхавых арганізацый, якія займаюцца страхаваннем жыцця.
Што запісана афіцыйнай прычынай смерці адзінага сына Ярмошынай?8
Каментары