Кожны чацвёрты немец верыць у існаванне д'ябла, чарцей, дэманаў і апантанасці
Пра гэта сведчаць вынікі апытання, праведзенага інстытутам YouGov па замове агенцтва KNA, піша тэлеграм-канал «Што там у немцаў».
8% рэспандэнтаў заявілі, што «безумоўна» вераць у існаванне такіх істот і з'яў, яшчэ 15 % адказалі, што «хутчэй за ўсё» дапускаюць іх існаванне. У тым, што д'ябла, дэманаў і апантанасці не існуе, перакананыя 42 % апытаных, яшчэ 23 % лічаць, што ўсяго гэтага «хутчэй за ўсё» няма.
Думаеце, такая вера ў звышнатуральнае найбольш распаўсюджаная сярод старэйшага пакалення? Насамрэч усё наадварот! Людзі ва ўзросце ад 18 да 34 гадоў часцей за іншых прызнаваліся, што вераць у д'ябла (34—35 %). Найніжэйшы ўзровень такой веры быў зафіксаваны сярод тых, каму больш за 55 гадоў (18 %).
У рэпрэзентатыўным апытанні прынялі ўдзел 2525 жыхароў Германіі.
Некалькі гадоў таму выйшла даследаванне Монікі Блэк «Зямля, апантаная дэманамі. Ведзьмы, цаліцелі і прывіды мінулага ў паваеннай Германіі» пра тое, як пасля Другой сусветнай у Германіі большасць стала верыць у дэманаў і прывідаў, чараўніцтва. Кніга вельмі цікавая, у тым ліку і з гледзішча масавай псіхалогіі, а то і псіхозу. Не выключана, што людзі хацелі так перажыць траўмы, нанесеныя Другой сусветнай.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары