У Крупскім раёне знойдзены труп 24-гадовага мужчыны са слядамі наезду
Цела 24-гадовага мужчыны было знойдзена ноччу 1 чэрвеня на трасе Шарнева—Прошыка—Халопенічы паблізу вёскі Дубы з прыкметамі наезду транспартам. Пра гэта паведамілі ў ДАІ Мінскай вобласці.
Паводле інфармацыі ДАІ, невядомы кіроўца, кіруючы неўстаноўленым транспартным сродкам, ехаў у бок вёскі Прошыка і здзейсніў наезд на пешахода, які знаходзіўся на праезнай частцы. У выніку ДТЗ пешаход ад атрыманых траўмаў памёр, а вадзіцель з месца аварыі ўцёк.
Крупскім РАСК узбуджаная крымінальная справа па ч. 2 арт. 317 КК Рэспублікі Беларусь (парушэнне ПДР, што пацягнула па неасцярожнасці смерць чалавека). Працягваецца выяўленне тыпу транспартнага сродку, яго прыналежнасці і кіроўцы, які здзейсніў наезд.
Каментары