УСУ атакавалі нафтавыя аб'екты ў розных расійскіх рэгіёнах і акупаваным Севастопалі
У ноч на 18 красавіка ўкраінскія войскі нанеслі ўдары па аб’ектах нафтава-энергетычнай інфраструктуры ў Расіі.
У Самарскай вобласці пад атакі трапілі Навакуйбышаўскі і Сызранскі нафтаперапрацоўчыя заводы. Мясцовыя ўлады пацвердзілі ўдары па прамысловых прадпрыемствах.
Паводле наяўных звестак, на Сызранскім НПЗ быў пашкоджаны рэзервуарны парк. Гэты завод перапрацоўвае мільёны тон нафты штогод і забяспечвае палівам некалькі рэгіёнаў Расіі, у тым ліку вырабляе бензін, дызель і іншыя прадукты.
Навакуйбышаўскі НПЗ таксама з’яўляецца буйным прадпрыемствам, якое выпускае розныя віды паліва, уключаючы авіяцыйнае.
У Краснадарскім краі пасля атакі дронаў загарэлася нафтабаза ў Ціхарэцку. Яна звязаная з важным вузлом транспарціроўкі нафты на поўдні Расіі. Пажар тушылі сотні ратавальнікаў і дзясяткі адзінак тэхнікі.
У Севастопалі пажар адбыўся на нафтабазе ў Казачай бухце — там загарэўся рэзервуар з рэшткамі паліва пасля збіцця беспілотніка.
Акрамя гэтага, паведамлялася пра пажар у раёне порта Высоцк у Ленінградскай вобласці, дзе знаходзяцца тэрміналы для перавалкі нафтапрадуктаў і газу.
Расійскае Міністэрства абароны заявіла, што за ноч у розных рэгіёнах краіны было знішчана больш за 250 беспілотнікаў.
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары