Фестываль «Белае люстэрка» з яго ўдзелам пройдзе 28—30 жніўня.
Фестываль кіно і музыкі «Белае люстэрка», што пройдзе ў мінскім культурным цэнтры «Studio67» (Партызанскі пр-т, 2а) 28-30 жніўня, наведае ямайскі рэгі-музыка Лі «Скрэтч» Пэры. За квіток на тры дні канцэртаў, кіно і выстаў папросяць 400 тысяч рублёў.
У першы дзень фэста пройдзе канцэрт Лі Пэры і паказ дакументальнага фільма «Lee Scratch Perry's Vision of Paradise» ды афтэпаці з піцерскімі дыджэямі.
У другі дзень — вінілавы марафон з Delay Sound System, паказ нямых мультфільмаў з агучкай ад саўнд-прадзюсараў з розных краін ды паказ дакументальнага фільма «Перагарні кружэлку!».
Трэці дзень — канцэрт піцерцаў «НОМ» з новай праграмай «Семеро смелых» і паказ іх фільма «Зорны ворс», ролі ў якім выканалі сярод іншых Сяргей Міхалок, Сяргей Шнураў і Барыс Нямцоў.
***
Лі «Скрэтч» Пэры — ямайскі музыка і прадзюсар, адзін з піянераў жанраў рэгі і даб. Нарадзіўся ў 1936 (па іншых звестках — да 1940) годзе, у 1968 годзе стварыў гурт The Upsetters і аднайменны лэйбл. Папулярнасць здабыў ужо з першым сінглам «People Funny Boy», што быў прададзены па Ямайцы шалёным па тых часах накадам у 60 тысяч асобнікаў. Лічыцца, што менавіта ў тым запісе з’явіўся біт, які затым стане ўласцівым жанру рэгі. Дагэтуль выступае і выдае альбомы. У 2003 годзе плытка «Jamaican E.T.» прынесла яму «Грэмі». У 2014-м выйшаў яго апошні на сёння альбом «Back On the Controls». Агулам дыскаграфія налічвае шэсць дзясяткаў альбомаў.
«Усе экстрэмісты ці ўжо асуджаныя, ці з'яўляюцца фігурантамі спраў, якія будуць разгледжаны судамі». Швед падводзіць рысу пад рэпрэсіямі?9
Каментары