Туск: Расія планавала акты паветранага тэрору супраць Польшчы і авіякампаній па ўсім свеце
Прэм'ер-міністр Польшчы на прэс-канферэнцыі з Уладзімірам Зяленскім заявіў, што Расія планавала дыверсіі на самалётах.
На сумеснай прэс-канферэнцыі з прэзідэнтам Украіны Уладзімірам Зяленскім польскі прэм'ер падкрэсліў, наколькі важныя сумесныя дзеянні для бяспекі не толькі Украіны ці Польшчы, але і ўсяго рэгіёну, піша WP.
Туск прызнаў, што нядаўна вёў перамовы, у прыватнасці, адносна бяспекі Балтыйскага мора
«Гаворка ідзе аб сумесных дзеяннях супраць расійскай агентуры і расійскіх дыверсій.
Я не буду зараз удавацца ў падрабязнасці, але Расія планавала акты паветранага тэрору не толькі супраць Польшчы, але і супраць авіякампаній па ўсім свеце», — заявіў польскі прэм'ер.
Паводле інфармацыі The New York Times, Джо Байдэн і амерыканская разведка папярэджвалі Уладзіміра Пуціна аб наступствах запланаваных расіянамі дыверсій з выкарыстаннем выбухоўкі ў самалётах на трансантлантычных маршрутах.
Як піша выданне, расійскія спецслужбы планавалі размяшчаць самаўзгаральныя кур'ерскія пасылкі на борце самалётаў, якія ляцяць у ЗША і Канаду.
Міністр унутранай бяспекі ЗША Алехандра Маёркас падкрэсліў, што «рызыка сур'ёзнай аварыі рэальная». Амерыканскія спецслужбы высветлілі, што расіяне тэставалі гэты метад улетку, калі ўспыхнулі пажары ў ангарах у Германіі, Вялікабрытаніі і Польшчы.
-
Данія можа адказаць амерыканцам за Грэнландыю асіметрычным ударам. І гэта будзе адчувальна для эліт
-
НАТА афіцыйна прызнала спробу Крамля ліквідаваць кіраўніка аднаго з найбуйнейшых еўрапейскіх вытворцаў зброі
-
«Многія глядзяць беларускія каналы». Цікавы расповед пра Прыдруйск — вёску ў Латвіі насупраць Друі
Трагедыя ў Докшыцах: скончыла жыццё самагубствам 15-гадовая вясковая выдатніца3
Каментары