Палез у машыну па чахол, і стрэльба стрэліла. Падрабязнасці трагедыі, у якой дзед выпадкова застрэліў унука
Сям'я паехала паляваць на зайца ў Лідскім раёне. Усё скончылася гібеллю васьмігадовага хлопчыка.
Трагедыя здарылася ў мінулую суботу ў адной з паляўнічых гаспадарак на мяжы Лідскага і Дзятлаўскага раёнаў. Дзядуля, бацька і васьмігадовы хлопчык прыехалі з Бярозаўкі паляваць на зайца. Знаёмы з сітуацыяй паляўніцтвазнаўца распавёў Onliner.by, што адбыўся няшчасны выпадак.
«Я там не быў, але чуў, што яны ўжо збіраліся садзіцца ў машыну, калі дзядуля палез туды па чахол, каб пакласці стрэльбу. Стрэльба была не разраджаная і стрэліла проста ў хлопчыка», — распавёў паляўнічы.
Выратаваць не ўдалося: машына імчалася насустрач хуткай дапамозе, але ў раёне вёскі Мінойты хлопчык памёр.
Вядома, што загінулае дзіця выхоўвалася ў добрай сям'і, вучылася ў адной са школ Бярозаўкі. Дырэктар школы ад каментароў адмовіўся.
Цяпер чытаюць
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе1
Каментары
Трагедыя не ў выніку таго што яны пайшлі паляваць. А ў выніку таго што дзед - дэбіл які не ведае правілаў бяспекі пры карыстанні зброяю, ці проста махнуў на іх рукою. Лезці ў машыну па нейкія рэчы з заражанаю стрэльбаю ды яшчэ калі каля цябе людзі - гэта няма мазгоў зусім. Паляўнічыя нават пры сустрэчы між сабою ў лесе заўсёды разраджалі стрэльбы, гэта проста інстынктыўна ўсё павінна быць адпрацавана. А не тое што яшчэ і лезці з ёю кудысь...