Сёлета ў Беларусі пачнецца рэалізацыя інвестыцыйнага праекта дынамічнага ўзважвання транспартных сродкаў на асобных аўтатрасах. Пра гэта 21 ліпеня на прэс-канферэнцыі ў Мінску паведаміў начальнік транспартнай інспекцыі Міністэрства транспарту і камунікацый Леанід Лемеш.
Паводле яго слоў, рэалізацыяй праекта будзе займацца прадпрыемства «Мінскаўтадар — Цэнтр», якое абслугоўвае дарогі Мінскай вобласці. Транспартная інспекцыя Мінтранса будзе выконваць у праекце функцыі кантролю.
«Вага транспарту будзе фіксавацца ў дынамічным рэжыме, атрыманая ж інфармацыя будзе паступаць па спецыяльных каналах сувязі ў транспартную інспекцыю. У выніку мы зможам ажыццяўляць не суцэльны, а выбарачны кантроль транспартных сродкаў, па якіх назіраецца перавышэнне габарытаў», — адзначыў Лемеш.
Вагагабарытны кантроль за праездам цяжкаважкіх і буйнагабарытных транспартных сродкаў па аўтамабільных дарогах агульнага карыстання транспартная інспекцыя выконвае на стацыянарных і перасоўных пастах. У студзені—чэрвені 2015 года спецыялісты праводзілі вымярэнні на 194 абсталяваных пляцоўках, размешчаных у паласе адводу аўтамабільных дарог. За першае паўгоддзе на пастах вагагабарытнага кантролю ўзважана амаль 32 тыс. транспартных сродкаў і выяўлена пры гэтым больш за 2,8 тыс. адзінак транспарту (8,9%), з перавышэннем дапушчальных вагагабарытных параметраў.
Цяпер чытаюць
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна24
У сацсетках Хлястова апублікавалася відэа, запісанае на выпадак яго затрымання. Сам спявак на Акрэсціна
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу1818
Каментары