Выбухнуў і загарэўся Амурскі газахімічны комплекс на мяжы з Кітаем за 6500 кіламетраў ад Украіны
Ён рыхтаваўся да эксплуатацыі, меў быць здадзены ў 2027 годзе. Будавалі яго з інвестыцыямі кітайскай Sinopec.
На пляцоўцы будаўніцтва Амурскага газахімічнага комплексу ў Амурскай вобласці Расіі пасля выбуху пачаўся пажар на ўстаноўцы піролізу.
Аб'ект знаходзіўся ў рэжыме пусканаладачных работ. На ім мелі вырабляць этылен і прапілен.
Спецыялісты тэрмінова спыняюць абсталяванне, работнікаў эвакуіруюць з тэрыторыі комплексу. У прэс-службе прадпрыемства запэўніваюць, што пагрозы для жыхароў суседніх населеных пунктаў няма.
Паводле папярэдніх даных расійскіх медыя, у выніку выбуху пацярпелі прынамсі два чалавекі. Дакладны маштаб пашкоджанняў і прычыны здарэння пакуль высвятляюцца.
Амурскі ГХК — адзін з найбуйнейшых у свеце праектаў па вытворчасці палімераў. Праект рэалізуецца расійскім холдынгам «СИБУР» сумесна з кітайскай кампаніяй Sinopec.
Амурскі газахімічны комплекс знаходзіцца на мяжы з Кітаем за 6500 кіламетраў ад Украіны.
Каментары