У аўторак у прэс-службе ўрада Кыргызстана паведамілі, што прэм'ер-міністр Тэмір Сарыеў падпісаў пастанову аб скасаванні гэтага дакумента.
Згодна з пастановай, пагадненне будзе дэнансавана з 20 жніўня 2015 года.
Такое рашэнне ўрада Кыргызстана было прынята пасля таго, як Дзярждэпартамэнт ЗША прысудзіў кыргызстанскаму праваабаронцу Азімжана Аскараву, асуджанаму ў Кыргызстане на пажыццёвае зняволенне па абвінавачванні ва ўдзеле ў міжэтнічным канфлікце ў чэрвені 2010 года, прэмію «Абаронца правоў чалавека». Узнагароджанне адбылося 16 ліпеня ў Вашынгтоне. Узнагароду атрымаў сын праваабаронцы.
У пасольстве ЗША ў Бішкеку заявілі, што Вашынгтон расчараваны намерам Кыргызстана дэнансаваць двухбаковае пагадненне.
Пагадненне паміж Бішкекам і Вашынгтонам было падпісана ў траўні 1993 года і тычыцца пытанняў супрацоўніцтва з мэтай палягчэння прадастаўлення гуманітарнай дапамогі Кыргызстану. На падставе пагаднення Кыргызстана аказвалася дапамога па шэрагу праграм, якія праводзіла Агенцтва ЗША па міжнародным развіцці (USAID).
Каментары