Сёння спаўняецца 60 год Багдану Андрусішыну (Данчыку) — беларускаму спеваку, журналісту, грамадскаму дзеячу. Ён нарадзіўся ў ЗША, у сям'і эмігрантаў — украінца і беларускі. Цікава, што яго маці Юлія — унучка Эміліі Шабуні, роднай сястры Антона ды Івана Луцкевічаў.
У канцы 1970-х Данчык трапіў на канцэрт «Песняроў», якія тады гастралявалі па ЗША. Пад уражаннем праз год ён запісаў свой першы альбом «Беларусачка».
Пазнавальны голас і прыгажосць зрабілі яго папулярным. Спявак наведваў Беларусь у 90-я і збіраў поўныя залы. Запомніліся і яго сумесныя запісы з «песняром» Леанідам Барткевічам.
Цяпер Данчык жыве ў Празе, працуе намеснікам дырэктара Беларускай службы радыё «Свабода».
А мы прапануем вам Топ-5 найлепшых песень у выкананні Данчыка. Спіс можна дапаўняць у каментарах упадабанымі кампазіцыямі.
Аксамітны летні вечар
Музыка Віталя Навіцкага, словы Сержука Сокалава-Воюша.
Пагоня
Музыка міколы Равенскага, словы Максіма Багдановіча.
Калыханка
Словы Артура Вольскага.
Беларусачка
Музыка Юрыя Семянякі, словы Алеся Ставера.
Зорачкі
Музыка і словы Сяргея Новіка-Пеюна.
Цяпер чытаюць
«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку1
Каментары