25 жніўня былы палітзняволены Юрый Рубцоў сабраў неабходныя дакументы, каб стаць на прафілактычны ўлік у крымінальна-выканаўчай інспекцыі Савецкага РАУС Гомеля.
Пры вызваленні з бабруйскай калоніі яму было прадпісана на працягу трох дзён з'явіцца ў мясцовую міліцыю і стаць на ўлік. «Прайшоў дактыласкапію, узяў паперкі ў крымінальным вышуку і ў участковага, заўтра ўсё гэта здам у крымінальна-выканаўчую інспекцыю. Назіранне за мной будзе доўжыцца два гады», — паведаміў былы палітзняволены.
Яму можна будзе перамяшчацца ўсюды, але калі паездка зацягнецца на месяц і больш, то неабходна будзе паведаміць аб гэтым у міліцыю з указаннем адрасу знаходжання. Таксама нельга ўчыняць адміністрацыйныя правапарушэнні. «А вось гэты пункт нялёгка выканаць, бо ў нас чалавек можа ісці па бязлюднай вуліцы сярод ночы і раптам пачаць лаяцца матам. Самі міліцыянеры могуць «арганізаваць» пры неабходнасці правапарушэнне. Так што свабода ў нас умоўная», — пракаментаваў Рубцоў.
Ён ужо рабіў спробы ўладкавацца на працу, але пакуль безвынікова. «У нас жа падатак на дармаедства, не ўладкуешся на працу — плаці дзяржаве грошы. Ніколі багатай не стане краіна, у якой грамадзяне — жабракі, але наш прэзідэнт гэтага не разумее», — падкрэсліў гамяльчанін.
Рубцову неабходна прайсці абследаванне ва ўмовах стацыянара з-за праблем з нагой, якія ўзніклі ў калоніі.
Алімпійскі чэмпіён Арамнаў: Нам выгадная працяглая вайна, і Вова ды Саша ў ёй перамогуць24
Каментары