Нацыянальны банк Беларусі не плануе павышэнне стаўкі рэфінансавання, заявіў намеснік старшыні праўлення Нацбанка Сяргей Калечыц па выніках круглага стала ў прэс-цэнтры дзяржаўнага агенцтва БелТА.
«Нацбанк не плануе павышэння стаўкі рэфінансавання і стаўкі па іншых інструментах рэгулявання, бо мы лічым, што іх узровень знаходзіцца на дастаткова высокім рэальным значэнні. Нейкіх фундаментальных фактараў, якія б прымушалі нас да павышэння, няма», — адзначыў Калечыц.
Нагадаем, асноўныя кірункі грашова-крэдытнай палітыкі на 2015 год, зацверджаныя ўказам прэзідэнта ў канцы мінулага года, прадугледжвалі, што сёлета стаўка рэфінансавання істотна знізіцца і ў сярэднім за год складзе 15-16%.
Аднак у пачатку 2015 года пасля дэвальвацыі беларускага рубля Нацбанк падняў стаўку рэфінансавання з 20 да 25% і з таго часу яе не паніжаў.
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе36
Каментары