Жыхар Мастоўскага раёна асуджаны за неаднаразовыя згвалтаванні сваёй дачкі.
Аб гэтым паведаміў пракурор Гродзенскай вобласці Віктар Марозаў. Мужчына прысуджаны да 11 гадоў пазбаўлення волі з адбываннем тэрміна ў калоніі ўзмоцненага рэжыму.
«Выпадак вельмі сур'ёзны. Бацька на працягу некалькіх гадоў гвалтаваў уласную дачку ў аднапакаёвай кватэры, і ніхто не ведаў. Гэта прымушае задумацца над эфектыўнасцю псіхалагічнай службы, выхаваўчай работы ва ўстановах адукацыі. Дзяўчынка прыходзіла ў школу з сінякамі, была замкнёнай, рассеянай.
Супрацьпраўныя дзеі з боку бацькі працягваліся доўгі час, але ніхто з дарослых гэтага не заўважаў. Дзіця было папросту загнана ў кут, бо менавіта да блізкіх людзей і не магло звярнуцца па дапамогу.
Гэты выпадак атрымаў агалоску, а колькі сямейных драм і трагедый адбываецца удалечыні ад чужых вачэй? Адказнасць за палавую недатыкальнасць непаўналетніх павінны адчуваць у тым ліку і педагогі, якія непасрэдна працуюць з дзецьмі, класныя кіраўнікі, псіхолагі школ», — мяркуе пракурор.
Цяпер чытаюць
Памятаеце Данілу з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў і з чаго ўсё пачалося
Каментары